- 成績公佈
呢幾好多好消息出籠，股票市場不停爆升，恒指有返啲生氣，而我嘅投資組合亦受惠其中，有不錯嘅回報。
現時我嘅組合回報已經有30%+嘅增長，感覺非常鼓舞。但同時，亦令我思考下一步應該點樣部署，保持回報同時又減低風險。
2. 討論市場爆升下嘅部署策略
市場嘅急速上升固然令人興奮，但同時亦令我反思呢次升市嘅持續性同風險。係呢種情況下，我認為要有幾個策略可以考慮：
– 分批沽出：隨住市場上升，可以逐步分批沽出部分盈利，鎖定部分回報，避免一次過賣出導致錯失後續升幅。
– 保持多元化：雖然部分股票升幅顯著，但要保持組合分散，唔可以單一押注，因為市場波動唔定。可以增加唔同地區或者行業同資產類別嘅配置。
– 進行風險對沖：考慮到市場有可能調整，進階嘅投資者可以利用期權或對沖工具，減低風險，同時保持部分上升空間。
3. 面對沽早左嘅心理調整
當然，投資最難嘅一部分就係『沽唔沽』嘅決定。好似早前我沽咗一隻股票，由低位一路捱價捱足半年，終於有50%升幅，但沽左之後兩日就再升多10%以上，這樣就容易令人心理唔平衡。
針對這個問題，幾個要點或者可以幫到你：
– 保持理性：你試下同自己講能夠獲利已經係一個好決定，唔應該因為之後嘅短期波動影響咗整體嘅投資策略。
– 設定目標：當達到目標回報率時，果斷行動會避免貪婪心態。可以考慮設置止賺位，減低因持有太長而錯失鎖定盈利嘅機會。
– 心理調整：記住，投資唔係每一次都捉到最完美嘅高點或者低點，最重要係你總體的回報，而唔係單一股票的波動。
4. 展望未來嘅市場機會
依家氣氛係極好，成交隨時一日3000億，但唔好忘記市場仲有好多不確定性，但係爆升左一輪，我相信仲有更多機會會出現。我會繼續以穩健嘅策略，鎖定現時盈利同時，準備下一次嘅機會，呢篇文唔單止係寫俾公眾睇，亦都係寫嚟提醒我自己，共勉豬。
陳智鑾 Thomas Chan 