點樣可以安心退休？做漏一樣可能爭幾球﹗

最近一間積金評級機構表示，強積金在2024年第一季回報約2.47%，是強積金有史以來第八個最佳季度開局，全香港所有強積金成員平均收益約3700元。

數就咁計，但係你嘅MPF 有無增長，又或者你知唔知自己賺定蝕？幾耐無睇過自己嘅MPF 戶口呢？

MPF作為退休儲蓄工具，已經行左20幾年，但確實有很多人對它的效用感到不滿，甚至無視左MPF。點解咁多人對MPF感到不滿呢？有人覺得MPF回報低，有人覺得收費貴，有人亦覺得無選擇。

但係無法否認嘅係，你其實無得避開MPF，除非你退休，或者唔洗做。如果你同我身邊嘅朋友一樣，都係30零歲，你可以計一條數，當你今年30歲，戶口有20萬MPF，預計60歲退休，呢30 年你要投入MPF嘅本金大約係110萬。(3000x 12x 30=1,080,000)

如果你有心機打理佢，我唔當每年多好多，5% 好未？本金110萬，到退休時都有340萬，唔算好大筆數，但用嚟收息都夠日常開支。但管理不善，會點？如果keep 住陰啲陰啲咁輸，當你每年縮3%，到最尾只會得返唔夠80萬，有無好好管個mpf，足足爭4倍。所以與其由佢年年蝕錢，不如諗下點樣做好佢。

如果你有排都未退休，等我話你知點可以更好地利用退休方案啦﹗

1. *了解自己的MPF帳戶*：呢點可能太個general，不過我相信有好多人都唔記得點login 自己戶口。你要了解自己的MPF帳戶，定期查下自己個account，自己有幾多戶口，戶口有幾錢都要知，如果連點登入都唔記得，改一改密碼又要寄信又要等一個星期，想轉投資選項可能就錯過左時機啦。

2. *考慮投資組合*：其實部分有心機做嘅MPF 公司，現時費用已經大幅降低，而且基金選擇亦多左好多，連美股，債券都cover 到，足夠應付大部分投資策略。加上定期檢討你的投資組合，並根據需要進行調整。當然，我嘅客人同朋友都知我自己會有一套睇MPF 嘅策略，幫人適當時間揀合適嘅基金，可以再提高投資回報，好似呢個客以往真係唔多理個戶口，咁多年都無咩增長，上個月轉過嚟之後就有3%+嘅回報，今年要做到5%以上完全無問題。

4. *留意不同MPF 計劃優惠*：一些MPF計劃會不時提供優惠，情況就似供樓的轉按優惠，只要你轉去其他計劃並且保留一時間，就會得回贈，有時高達戶口總值的1%，所以，如果你精打細算，適當時間轉會，無疑又可以為自己的戶口多一筆安全的收入。

總之，MPF作為退休方案，如果好好運用，係可以幫助你更好地利用MPF，為退休做好準備。如果你都想退休輕鬆啲，記得跟住做啦﹗