疫情已經一年幾，坊間又開始有人推測個市就冧﹗話口未完，市場開始傳出劈價、蝕走的消息，外邊yeild curve 又抽升，熱錢又流走。好驚係咪呢？
其實，在分析樓價會向抽上定抽落之前，我反而想問大家一句，如果聽日樓價跌一半，你會點做？準備上車的你又READY好未？
有人會多人同我講，現在樓價貴，樓價跌再算，我通常會問多句：想幾錢買、留意緊邊區、睇緊邊類型單位、有無合心水樓盤？好多時朋友的答案都好模糊，總之就係想樓價跌，跌左就好似一定買到樓上到車。不過，周圍樓價跌係咪等同自己買到樓？未必，因為買樓過程一點都唔簡單，對想上車的朋友，由揀區、揀屋苑、睇單位、預算、講價到做按揭，每個步驟都有機會出事，如果自己無做好準備功夫，隨時中左招都唔知。一個盤好唔好，係唔係著數，你識唔識分呢？
再者，如果樓價真係跌足五成，大家又會唔會夠薑入市買樓，你會唔會怕跌左五成之後再跌多啲？今日當然人人都可以好大聲講2003年個樓價係低位，但係市場壞消息時時有，就算03年之後樓市開始慢慢升，升足左十幾年，每年都有唔同樣的壞消息、時時都有分析員唱淡樓市，嚇到你唔敢買樓，你會唔會俾人影响到？我想帶出的是，置業是一個計劃，亦都係一個風險管理的過程，無講話今日買左樓價一定會大升，又或者買左一定大跌，反而你應該諗諗最壞遇到旳情況會係點，你頂唔頂得住？如果你接受到的話，please go ahead!
置業從來都不是一件易事，不過如果你無一早做足功課，自己又無心理準備，容易受外圍消息影響，就算將來有好盤放靚價，你未必會下到決定，到時樓價上上落落，可能都唔關你事啦！
買樓從來都唔係容易，但係亦非難過登天，最近受到晨光財經台的邀請，開始分享一系列”置業五步曲” ，鐘意的朋友得LIKE SHARE 同訂閱我的Channel 啦﹗
【TG: Thomas Property】https://t.me/Thomaspropertyy
【Youtube: 晨光財經台】https://www.youtube.com/channel/UCtS2wN355ilQcacmskIDNBA
【TG: 晨光財經台】https://t.me/joinchat/VEVA9emK2o06G0Xw
陳智鑾 Thomas Chan 